السردين في الفران طريقة غزالة و بنينة ومختلفة بالصور ..........
كاتب الموضوع
رسالة
khalid Admin
عدد الرسائل : 325 العمر : 34 تاريخ التسجيل : 21/04/2008
موضوع: السردين في الفران طريقة غزالة و بنينة ومختلفة بالصور .......... الجمعة مايو 30, 2008 1:54 pm
اليوم درت واحد الشهيوة كتعجبني و تعجب للي كالها عندنا
هي عبارة على السردين كفتة و لكن ما شي بوحدو نخلليكم مع المقادير و الصور
تناخدو السردين نقيوه مزيان و نحيدو ليه القشرة الفوقاني
ناخدو الزيتون و البصلة نقطعوهم طراف صغيييورين و البطاطا نحكوها
انا درت 3 البصلات صغار و 2 بطاطات و حتى ايلا بغيتي ديري خيزو محكوك و القرعة محكوكة راه كيجيو مزيانين
من بعد نطحنو الحوت و نخلطو معاه المقادير السابقة و نزيدو عصير نصف حامضة و الثومة و القزبر و معدنوس و الملح و الابزار و التحميرة و سكين جبير و الكمون و شوية الزيت البلدية الخرقوم
ايوا و نخللطوهم مزيااااااان حتى يتجانس كلشي
من بعد نخلليهم واحد الشوية بين ما قطعت البطاطا و ساوبت اللصوص و العصير
ايواكناخدوهم و نعملو منو كويرات و نستفو في اللاطة ندخلوه يطيب الفوق و من بعد نصبطوه راه مكياخدش وقت كبييير في الطياب
اويا بالصحة و الراحة
كندير معاه هاد بطاطا كتعجبني بزااااااااااااااف هي تقطعيها رقييييييييييقة و تديري ليها الملح و الابزار و شوية تاع الخرقوم بغيتي ديري ليها الموطارد قبل ما تقليها حتى هو كيجي معتبر
و اللصوص راه غير مطيشة مصلوقة و مطحونة و دايرة ليها العطيرية و زيتون و زيت البلدية كتجي بحال ديال الزنقة
و العصير راه خيار و خيزو و ليمون مطحونين
ايوا الله يجعل الباركة بصحتكم
ما نوصيكمش ممنوع السلتة
السردين في الفران طريقة غزالة و بنينة ومختلفة بالصور ..........
الأحد يوليو 31, 2011 9:48 am من طرف زائر
